Erteń 29 maýsymda Nur-Sultan qalasynda Dimash Qudaibergenniń «Arnaý» atty jeke kontserti ótedi. Bul úshin elimizdiń astanasyna 64 elden tyńdarmandar kele bastady, – dep habarlaidy Ult aqparat.
«Qazaqstan» RTRK» AQ baspasóz qyzmetiniń habarlaýynsha, kontserttiń daiyndyǵyna 500-den astam joǵary kásibi maman tartyldy. Keshke 1200 metr matadan 150 sahnalyq kostiým tigilgen.
Al joǵary deńgeidegi qoiylymdyq nómirler úshin balet trýppasyna halyqaralyq alańdarda óner kórsetip júrgen elimizdiń eń úzdik bishileri men akrobattary tartyldy. Onyń ishinde, «Notre dame de Paris» miýzikliniń ártisteri, «Tantsy na TNT» jobasynyń qatysýshylary jáne batýttyq gimnastika boiynsha sport sheberleri bar.
«Kontsertke daiyndyq merziminde áýede jalpy qashyqtyǵy 150 myń shaqyrymdy quraityn 50 reis jasaldy. «Arnaý» kontserti úshin 200 kVt daýys, 600 sharshy metr led-ekran, 1000 jaryq qurylǵysy qoldanylady» dedi «Qazaqstan» RTRK» AQ Kommertsiialyq direktory Jannur Aidarbekova.
Al QR Prezidentiniń keńesshisi Erlan Qarin «Arnaý» keshi - mýzykalyq áserge negizdelgen jandy kórinis, tiri dybys, erekshe sahnalyq qoiylym ekenin atap ótti. Kontsert stsenariiine 27 án engizilgen, sondai-aq, jańa albomyna engen tańdaýly 5 áni bar. Kontsert uiymdastyrýshylarynyń aitýynsha, kesh biletterin álemniń 64 elinen 10 myńǵa jýyq tyńdarman satyp alǵan. Onyń ishinde AQSh, Ulybritaniia, Braziliia, Meksika, Kanada, Avstraliia, Shveitsariia, Malaiziia, Singapýr, Afrika, Egipet, Izrail jáne Marokko syndy alys memleketterdiń tyńdarmandary bar. Sharanyń álemdik mańyzyn eskere otyryp, jobaǵa qazaqstandyq iri - Air Astana, Forte Bank, Kcell kompaniialary qoldaý bildirdi.
Aita keteiik, 29 maýsym kúni kontsert aldynda, saǵat 19:35-te «Qazaqstan» Ulttyq arnasy tikelei qosylymǵa shyǵady. Al, kontserttiń telenusqasy 6 shildede kórsetiledi.
