Foto: Ashyq derekkóz
Ulttyq tasymaldaýshy Dimash Qudaibergenniń "Voice Beyond Horizon" halyqaralyq mýzykalyq realiti-shoýyna arnalǵan arnaiy poiyz jasaqtady, dep habarlaidy QTJ baspasóz qyzmeti
Joba Qytaidyń jetekshi media-holdingi Hunan Broadcasting System-men birlesip júzege asyrylyp jatyr. Atalǵan kompaniianyń kúndelikti aýditoriiasy 210 millionnan astam kórermendi qamtidy. Jobanyń atqarýshy prodiýseri – álemge áigili ánshi Dimash Qudaibergen.
"Jolaýshylar tasymaly" AQ Qazaqstan aýmaǵynda túsiriletin halyqaralyq "Voice Beyond Horizon" jobasyna arnap arnaiy mýzykalyq poiyzdyń qatynaýyn uiymdastyrdy. Túsirilim úshin 7 jolaýshylar vagony men 1 meiramhana-vagon bólindi", - delingen habarlamada.
Arnaiy jasaqtalǵan poiyz shamamen 150 ónerpaz ben halyqaralyq deńgeidegi qonaqtardy qabyldaýǵa múmkindik beredi.
"Poiyz "Túrkistan – Aqtaý – Almaty – Astana" baǵyty boiynsha 18 kúndik saparǵa shyqty. Marshrýt aiasynda iri qalalarda túsirilimder men mádeni sharalar ótkizilip, Qazaqstannyń týristik áleýeti men tabiǵi kórikti aimaqtary keńinen tanystyrylady", - deidi QTJ baspasózi.
Túsirilimder Astana, Almaty qalalarynda, sondai-aq Almaty, Aqmola, Túrkistan jáne Mańǵystaý oblystarynda ótedi. Negizgi túsirilim alańdary retinde Sharyn shatqaly, Bozjyra ústirti, Kóbeitúz kóli jáne Sairam-Ógem ulttyq parki tańdaldy.
Jobanyń finaldyq kezeńi elorda – Astanada ótpek.
