Frantsiialyq jankúier Dimash Qudaibergenge videoúndeý jasap, "Daididaý" ánin oryndady, - dep habarlaidy kaz.tengrinews.kz.
Reiýnon aralynda turatyn Klaris esimdi áiel qazaqstandyq ánshiniń darynyna tánti bolǵany jaily aityp berdi.
"Siz jaily jáne darynyńyz týraly oilarymdy bólisý múmkindigi týyp tur, men tántimin. Osyndai únsiz kepke túsiretin daryn týraly ne aitýǵa bolady? Muny sipattaý úshin qandai sóz ben usynystar kerek? Bireýdiń sizdi daýsyńyzben-aq soǵysty toqtata alatynyńyz jaily aitqanyn estip edim, osy sózben-aq barlyǵyn túsine berýge bolady. Sizdiń daýsyńyzdy estigennen keiin kóńil-kúidi jetkizýdegi eń úzdik sózder", - deidi Klaris.
Ol qazaq tilindegi ándi ne sebepti oryndaǵanyn aityp berdi.
"Shynymdy aitsam, ánde barlyǵynyń qamtylǵanyn eshqashan estigen emespin: sulýlyq, mahabbat jáne kóńil-kúi. Qalaisha? Bul meniń túsinigimnen joǵary, bul týraly aitýdyń ózi qiyn. "Raqmet" degim keledi. Darynyńyzdy bizben bóliskenińizge raqmet. Bul ońai emes ekenin bilemin. Basqa tilderdegi ándi bir aptada jattai alatynyńyzdy kórsettińiz, endi sizdiń tilińizde ánderdi jattaýǵa bizdiń kezegimiz keldi. "Daididaý" ánin oryndap kórdim, sebebi bul ánniń siz úshin jol ekenin bilemin", - dedi qyz.
Aita keteiik, frantsýzdar qazaq ánshisiniń óneri jaily osyǵan deiin de áńgime etken edi. Frantsiialyq memlekettik France 2 telearnasy qazaqstandyq ánshi Dimash Qudaibergenniń fenomeni týraly reportaj jasaǵan bolatyn. Siýjet Frantsiianyń tańǵy teleaýditoriiasynyń 40 paiyzyn qamtityn Telematin baǵdarlamasynda kórsetildi. Baǵdarlama orys tilindegi sýbtitrlerimen YouTube hostinginde paida boldy. Baǵdarlama júrgizýshileri shalǵaidaǵy Qazaqstannan shyqqan jas ánshiniń Qytaidaǵy án baiqaýyna qatysyp, álemde tanymal bolǵany jaily aitady.
Al onyń aldynda frantsiialyq Le Monde basylymy qazaqstandyq ánshi Dimash Qudaibergen jaily maqala jariialaǵan edi.
