Dimash Qudaibergenniń Dúniejúzilik týrne aiasyndaǵy kontserti Astanada 27 maýsym kúni «Astana Arena» stadionynda ótedi. Bul týraly ánshiniń prodiýseri Alpamys Shárimov óziniń Instagramdaǵy paraqshasynda habarlady.
«Dúniejúzilik týrne aiasyndaǵy kontsert Qazaqstan astanasynda 27 maýsym kúni ótedi. Bul 2017 jyly josparǵa sai óteiin dep otyrǵan tuńǵysh kontsert. Sol sebepti Dimashtyń kotsertiniń kýási bolý úshin #Bastau EKSPO aiasynda Astana kelýge shaqyramyz! Osy ýaqytta kontsertke biletterdi kóp sheteldikter satyp aldy. Olardyń arasynda Resei, Qytai, Germaniia, Italiia, Frantsiia, Malaiziia, Japoniia, Ońtústik Koreia, Qyrǵyzstan, Ózbekstan siiaqty elderdegi Dimashtyń ónerine tánti azamattar bar. Biletterdiń quny 4 myń teńgeden bastalady jáne olardyń 40 protsenti ánsúier qaýymnyń qolynda. Sizder de bizben bolýǵa asyǵyńyzdar!», - dep jazdy ánshiniń prodiýseri.
