Dimashqa Aleksandr Gradskiidiń romanstaryn shyrqaý usynyldy. Bul týraly Qazaqstandaǵy Reseidiń ǵylym jáne mádeniet ortalyǵynyń basshysy Konstantin Vorobev aitty.
Pavel Vasilevtiń óleńderine jazylǵan Aleksandr Gradskiidiń romanstary alǵash ret Nur-Sultanda 6 jeltoqsanda aqynnyń 110-jyldyǵyna arnalǵan eske alý keshinde oryndalmaq. Reseidiń ǵylym jáne mádeniet ortalyǵynda týyndylardy "Astana Opera" solisi shyrqaidy. Ázirge onyń esimi qupiia saqtalyp otyr.
Qazaqstandaǵy Reseidiń ǵylym jáne mádeniet ortalyǵynyń basshysy Konstantin Vorobev bastapqyda material Dimash Qudaibergenge usynylǵanyn jetkizdi.
"1976 jyly jas kezinde Gradskii Vasilevtiń óleńderine romanstar jazdy. Keiinnen olardyń eshqashan oryndalmai, tek magnit taspaǵa jazylǵany belgili boldy. Biz taspalardy izdep taptyq, biraq eski bolǵandyqtan olardy qalpyna keltirý múmkin bolmady. Biraq biz osy romanstarǵa kóńil bólý kerek degen sheshimge keldik, óitkeni alda mereitoi", - dedi Vorobev.
Sol sebepten Qazaqstannyń Reseidegi elshisi Imanǵali Tasmaǵambetov kómekke keldi.
"Barshamyzdyń oiymyzǵa kelgen birinshi ideia – olardy Dimash shyrqasyn. Ol - qazaqtyń tamasha, talantty, erekshe ánshisi. Osyndai adamnyń oryndaǵany bizge jaqsy bolar edi, sebebi jastardyń bir bóligi Pavel Vasilevtiń shyǵarmashylyǵyna bet burar edi. Biraq Dimash - bul ol úshin áli kúrdeli poeziia ekenin moiyndady. Ánshi romansty mindetti túrde barynsha seziný kerektigin, al ol úshin jasy da sáikes kelmeitinin aitty", - dep bólisti ortalyq basshysy Vorobev.
