Qytaidyń «Hýnan TV» telearnasyndaǵy «Singer-2017» án baiqaýyna qatysyp jatqan qazaqstandyq ánshi Dimash Qudaibergen jobanyń segizinshi kezeńinde qytai tilinde án aitady, dep habarlaidy Ult.kz tilshisi QazAqparat agenttigine silteme jasap.
Segizinshi kezeńniń túsirilim jumystary erteń bastalady. Búgin baiqaýǵa qatysýshylar Sina weibo áleýmettik jelisinde ózderiniń kelesi kezeńde shyrqaityn ánderin aityp, jattyǵý jasaǵandaryn jazýda. Otandasymyz bul kezeńde qytailyq tanymal ánshi Han Hýnnyń «Tań atty» ánin oryndamaqshy.
Aita keterligi, Han Hýn «I am singer» baiqaýynyń úshinshi maýsymynyń jeńimpazy. Ol jobanyń birinshi kezeńinde óziniń «Tań atty» ánin shyrqap, birinshi orynnan kóringen.
Dimash qytailyq BAQ-tarǵa bergen suhbatynda Han Hýndy jaqsy biletinin, sondai aq, onyń ánderin jaqsy kóretinin aitqan bolatyn. Otandasymyz bul ándi «I am singer» jobasyna qatyspai turyp oryndaǵan edi.
Eske sala keteiik, jobanyń jetinshi kezeńi 4 naýryz kúni efirden kórsetiledi. Bul kezeńde Dimash qazaqtyń "Daididaý" ánimen úshinshi oryndy ielendi.
