قىتايدىڭ «حۋنان TV» تەلەارناسىنداعى «Singer-2017» ەن بايقاۋىنا قاتىسىپ جاتقان قازاقستاندىق ەنشٸ ديماش قۇدايبەرگەن جوبانىڭ سەگٸزٸنشٸ كەزەڭٸندە قىتاي تٸلٸندە ەن ايتادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
سەگٸزٸنشٸ كەزەڭنٸڭ تٷسٸرٸلٸم جۇمىستارى ەرتەڭ باستالادى. بٷگٸن بايقاۋعا قاتىسۋشىلار Sina weibo ەلەۋمەتتٸك جەلٸسٸندە ٶزدەرٸنٸڭ كەلەسٸ كەزەڭدە شىرقايتىن ەندەرٸن ايتىپ, جاتتىعۋ جاساعاندارىن جازۋدا. وتانداسىمىز بۇل كەزەڭدە قىتايلىق تانىمال ەنشٸ حان حۋننىڭ «تاڭ اتتى» ەنٸن ورىنداماقشى.
ايتا كەتەرلٸگٸ, حان حۋن «I am singer» بايقاۋىنىڭ ٷشٸنشٸ ماۋسىمىنىڭ جەڭٸمپازى. ول جوبانىڭ بٸرٸنشٸ كەزەڭٸندە ٶزٸنٸڭ «تاڭ اتتى» ەنٸن شىرقاپ, بٸرٸنشٸ ورىننان كٶرٸنگەن.
ديماش قىتايلىق باق-تارعا بەرگەن سۇحباتىندا حان حۋندى جاقسى بٸلەتٸنٸن, سونداي اق, ونىڭ ەندەرٸن جاقسى كٶرەتٸنٸن ايتقان بولاتىن. وتانداسىمىز بۇل ەندٸ «I am singer» جوباسىنا قاتىسپاي تۇرىپ ورىنداعان ەدٸ.
ەسكە سالا كەتەيٸك, جوبانىڭ جەتٸنشٸ كەزەڭٸ 4 ناۋرىز كٷنٸ ەفيردەن كٶرسەتٸلەدٸ. بۇل كەزەڭدە ديماش قازاقتىڭ "دايديداۋ" ەنٸمەن ٷشٸنشٸ ورىندى يەلەندٸ.
