Qazaqstandyq ánshi Dimash Qudaibergen Reseidiń «Viktoriia» mýzykalyq júldesiniń marapattaý rásimine keldi, dep habarlaidy "Ult aqparat".
Saltanatty sharanyń qyzyl kilemimen júrip ótken ánshini kesh júrgizýshileri qarsy alyp, birqatar suraq qoidy.
«Men úshin tyńdarmandarymnyń yqylasy qymbat. Tyńdarmandaryma únemi sapaly óner kórsetýge tyrysamyn. Búgin de júldelerdiń birin alsam, tyńdarmandarymnyń eńbegi dep bilemin», - dedi Dimash.
Sonymen birge, onyń qandai án tyńdaityny týraly suraq qoiyldy. «Men qazaqtyń halyq ánderin tyńdaimyn», - dep jaýap berdi ol.
Aita keteiik, Dimash Reseidiń «Viktoriia» mýzykalyq júldesiniń birneshe atalymy boiynsha nominant atandy. Júlde jeńimpazdary búgin Kreml saraiynyń sahnasynda jariialanady.
«Viktoriia» júldesi jyl saiyn úzdik mýzykanttarǵa, aqyndarǵa, oryndaýshylarǵa, prodiýserlerge, jýrnalisterge, mýzyka synshylaryna jáne iri mediaholding basshylaryna tabystalady
