Tanymal ánshi Dimash Qudaibergen Reseide «Jyldyń eń úzdik ánshisi» atandy. Bul týraly ánshi óziniń Instagram jelisindegi paraqshasynda jazdy.
«Qymbatty dostar, sizder eki kún buryn Reseidiń ulttyq mýzykalyq «Viktoriia» syilyǵynda eki nominatsiiany jeńip alǵanymdy bilesizder, men taǵy bir qýanyshpen bóliskim keledi, búgin «Jyl áni» syilyǵynda men Reseidegi «Jyldyń eń úzdik ánshisi» degen taǵy bir marapatqa ie boldym. Búkil álemdegi jankúierlerge jáne Resei halqyna rahmet. Men sizderdi jaqsy kóremin. Jeńisimdi barsha Qazaqstandyqtardyń jáne barlyq #dears-tardyń qurmetine arnadym», - dep jazdy Dimash.
Aita keteiik, Dimash Qudaibergen Reseidiń «Viktoriia» syilyǵynda eki nominatsiiany jeńip alǵan bolatyn.
