Ánshi Dimash Qudaibergen «Mýz-TV 2019» syilyǵynyń keshinde óner kórsetti, dep habarlaidy "Ult aqparat".
Kesh qonaǵy bolǵanyn ol Instagram-daǵy paraqshasynda jazdy.
«Mýz-TV 2019» mýzykalyq syilyǵynyń shaqyrylǵan arnaiy qonaǵy boldym», - dep jazdy Dimash.
«Biz onyń daýysynda emdik qasiet baryn bildik. Osy sahnaǵa shynynda da, biregei vokaldyq diapazony bar adam shyqqaly otyr. Ony Resei ǵana, Qytai, tipti búkil álem moiyndady. Osy ánshiniń sahnamyzda óner kórsetetinine qýanyshtymyz. Dimashpen birge maestro Igor Krýtoi bir sahnada óner kórsetedi», - dedi ánshini tanystyrǵan kesh júrgizýshisi Maksim Galkin.
Osydan keiin sahnaǵa shyqqan Dimash reseilik kompozitor Igor Krýtoidyń roialde súiemeldeýimen «Liýbov ýstavshih lebedei» ánin oryndady.
Kesh qonaqtary Dimashtyń ónerine tik turyp shapalaq uryp, qurmetterin bildirdi. Ánshi osydan keiin «Madmýazel Haid» ánin oryndap, kórermenniń odan zor qoshemetine ie boldy.
«Mýz-TV 2019» keshine qazaqstandyq taǵy bir daryndy ánshi Erjan Maksim shaqyrylǵan bolatyn. Jas ánshi sahnada «All by myself» ánin áýelete shyrqap, zaldyń úlken qoldaýyna ie boldy.
Eske sala ketsek, Dimash Qudaibergen men Erjan Maksim «MÝZ-TV» syilyǵyna arnalǵan saltanattyń qyzyl kilemimen júrip ótkenin keshe habarlaǵan bolatynbyz.
