ەنشٸ ديماش قۇدايبەرگەن «مۋز-تۆ 2019» سىيلىعىنىڭ كەشٸندە ٶنەر كٶرسەتتٸ, دەپ حابارلايدى "ۇلت اقپارات".
كەش قوناعى بولعانىن ول Instagram-داعى پاراقشاسىندا جازدى.
«مۋز-تۆ 2019» مۋزىكالىق سىيلىعىنىڭ شاقىرىلعان ارنايى قوناعى بولدىم», - دەپ جازدى ديماش.
«بٸز ونىڭ داۋىسىندا ەمدٸك قاسيەت بارىن بٸلدٸك. وسى ساحناعا شىنىندا دا, بٸرەگەي ۆوكالدىق دياپازونى بار ادام شىققالى وتىر. ونى رەسەي عانا, قىتاي, تٸپتٸ بٷكٸل ەلەم مويىندادى. وسى ەنشٸنٸڭ ساحنامىزدا ٶنەر كٶرسەتەتٸنٸنە قۋانىشتىمىز. ديماشپەن بٸرگە ماەسترو يگور كرۋتوي بٸر ساحنادا ٶنەر كٶرسەتەدٸ», - دەدٸ ەنشٸنٸ تانىستىرعان كەش جٷرگٸزۋشٸسٸ ماكسيم گالكين.
وسىدان كەيٸن ساحناعا شىققان ديماش رەسەيلٸك كومپوزيتور يگور كرۋتويدىڭ رويالدە سٷيەمەلدەۋٸمەن «ليۋبوۆ ۋستاۆشيح لەبەدەي» ەنٸن ورىندادى.
كەش قوناقتارى ديماشتىڭ ٶنەرٸنە تٸك تۇرىپ شاپالاق ۇرىپ, قۇرمەتتەرٸن بٸلدٸردٸ. ەنشٸ وسىدان كەيٸن «مادمۋازەل حايد» ەنٸن ورىنداپ, كٶرەرمەننٸڭ ودان زور قوشەمەتٸنە يە بولدى.
«مۋز-تۆ 2019» كەشٸنە قازاقستاندىق تاعى بٸر دارىندى ەنشٸ ەرجان ماكسيم شاقىرىلعان بولاتىن. جاس ەنشٸ ساحنادا «All by myself» ەنٸن ەۋەلەتە شىرقاپ, زالدىڭ ٷلكەن قولداۋىنا يە بولدى.
ەسكە سالا كەتسەك, ديماش قۇدايبەرگەن مەن ەرجان ماكسيم «مۋز-تۆ» سىيلىعىنا ارنالعان سالتاناتتىڭ قىزىل كٸلەمٸمەن جٷرٸپ ٶتكەنٸن كەشە حابارلاعان بولاتىنبىز.
