Ánshi Dimash Qudaibergen Máskeýdegi memlekettik Kreml saraiynda ótetin jeke kontsertine daiyndyq barysy týraly aitty, dep habarlaidy QazAqparat tilshisi.
«22 naýryz kúni Máskeýdegi Kreml saraiynda meniń Reseidegi eń alǵashqy jeke án keshim ótkeli jatyr. Ol kontserttiń burynǵy keshterden ózgeshe tustary kóp. Óitkeni, men kontserttik baǵdarlamany jasaǵan kezde ár qalaǵa, ár elge bailanysty kishkene ózgerister engizemin. Sol sebepti, Reseide ótetin kontsertimde repetýaryma jańadan enip jatqan ánder mindetti túrde oryndalady», - dedi Dimash Qudaibergen OKQ-da ótken baspasóz máslihatynda.
Eske sala ketsek, buǵan deiin OKQ-da ótken baspasóz máslihatynda Dimash Qudaibergen Jastar jyly aiasynda Astanada kontsert beretinin aitqan edi.
«Biz sizdermen úlken mańyzdy jańalyqty bóliskimiz keledi. Biz óz tarapymyzdan talantty jastardy qoldaýǵa daiynbyz. Onyń ústine ózderińiz biletindei, biylǵy jyl Jastar jyly dep jariialanǵan bolatyn. Dimash - elimizdiń, halqymyzdyń birtýar azamaty, qazaqtyń óneri arqyly elimizdiń atyn búkil álemge tanytyp júrgen talantty tulǵa. Bunyń aldynda Dimash Ulttyq arnadaǵy jańa jyldyq shoýǵa qatysqan bolatyn. Al búgingi aitylyp jatqan joba boiynsha biz Dimashpen birneshe ret kezdesip, aqyldasqan bolatynbyz», - degen edi «Qazaqstan» RTRK AQ basqarma tóraǵasy Erlan Qarin.
