Dimash Qudaibergen «Leading 2020 Sina Entertainment festival» reitinginde úzdik shetel artisi dep tanyldy, – dep habarlaidy dimashnews.com.
7 jáne 28 maýsym aralyǵynda Qytaidyń tanymal Sina platformasynda «Leading 2020 Sina Entertainment festival» jobasynyń qatysýshylaryna daýys berý rásimi ótti. Uiymdastyrýshylar - Sina News jáne Sina Entertainment. 21 kúnge sozylǵan daýys berý qorytyndysy boiynsha Dimash 1 mln 404 myń 488 daýys jinap, «Eń úzdik tanymal shetel artisi» nominatsiiasyn jeńip aldy.
Sina (qytai tilinde: 新浪; pinyin: Xīn Làng) – qytailyq internet-kompaniia. Ol dúniejúzine qoljetimdi habar almasý platformasyn usynyp otyr. Kompaniianyń 4 negizgi qyzmet baǵyty bar: olar Sina Weibo, Sina Mobile, Sina Online jáne Sinanet. Sina-nyń álem boiynsha 100 millionnan astam tirkelgen qoldanýshysy bar.
«Búginde Sina kompaniiasy jáne onyń platformalary Qytaidyń mediakeńistigi men kóńil kóterý salasyna úlken yqpalyn tigizip otyr. Sina Weibo – Twitter-ge uqsas, Qytaidaǵy mikrobloging naryǵynyń 56,5% qamtyp otyrǵan áleýmettik mikroblog-jeli. Sonymen qatar, ózderiniń súiikti aidoldaryna qoldaý bildirý úshin jinalatyn fanattardyń eń iri ári mańyzdy platformasy. Sonymen birge, tanymal adamdar Weibo jelisinde jeke akkaýnttar tirkep, shyǵarmashylyǵymen bólisip, fanattarymen bailanys ornatady», - delingen aqparatta.
Málim etilgendei, «Leading 2020 Sina Entertainment festival» sharasynyń basty maqsaty – 2020 jyldyń birinshi jartysynda úzdik dep tanylǵan filmder, telebaǵdarlamalar, mýzykalyq shyǵarmalar jáne varetemen kópshilikpen bólisý. Osylaisha, artistermen jáne olardyń jumystarymen neǵurlym kóp adam tanysyp, oiyn-saýyq indýstriiasynyń damýyna oń áserin tigizedi.
