Qazaqstandyq tanymal ánshi Dimash Qudaibergen qytailyq Hunan TV telearnasynyń «PhantaCity» jańa mýzykalyq teleshoýynda óner kórsetedi, dep habarlaidy QazAqparat tilshisi.
Hunan TV-nyń Veibo paraqshasyndaǵy málimetterge sáikes, «PhantaCity» mýzykalyq teleshoýynyń segizinshi kezeńi boiynsha túsirilim jumystary 15 tamyzda bastalǵan. Ol 14 qyrkúiekte efirden kórsetiledi.
Otandasymyz bul jobada «Restart My Love» ánin shyrqaidy.
Aita keteiik, «PhantaCity» - bul 12 kezeńnen turatyn mýzykalyq teleshoý. Jobanyń ár kezeńinde 4 ánshi jáne kino akteri oryndaýshy retinde shaqyrylyp, 32 kún daiyndyq jumystary júrgiziledi.
Ónerpazdar 4 túsirilim tobymen birge 8 minýttyq qysqa mýzykalyq beinebaian jasaidy. Túsirilim barysy kórermenderge tikelei ekrannan kórsetilip, án jandy daýysta oryndalady. Ánshi ándi oryndaýmen qatar, stsenarii boiynsha akterlik sheberligin kórsetýi tiis. Sondai-aq, ár oryndaýshy úshin tek bir ret ǵana óner kórsetý múmkindigi berilgen.
