Ánshi Dimash Qudaibergen Instagram paraqshasynda elordada ótetin «Arnaý» atty kontsertin tanystyratyn shaǵyn video jariialady, dep habarlaidy "Ult aqparat".
«Dimash Qudaibergen! Qazaqstannyń birtýma daryn iesi. Álem boiynsha milliondaǵan tyńdarmannyń júregin jaýlaǵan Dimash «Arnaý» atty jańa shoý usynady. Onyń daýysy - impýls. Shabyttandyrady, qýattandyrady. Kórermendi airyqsha daýys diapazonymen, aýqymdy shoý kútedi», - delingen videojarnamada.
Eske sala ketse, «Arnaý» atty kontsertiniń qashan ótetinin ánshi osy jyldyń basynda jariialaǵan bolatyn. Kontsertti birneshe sheteldik telearna kórsetetin bolady.
«Sheteldik telearnalar men teleradiokorporatsiialar ártúrli suraýlar joldap jatyr. Astanada ótetin osynaý kontsert birneshe sheteldik telearna arqyly taralady. Sol sebepti, aýditoriia úlken. Uiymdastyrý jumysyn keń aýqymda júrgizgeli otyrmyz. Óz elinde, óz alańynda, myńdaǵan fanattarynyń aldynda ótetin Dimashtyń kontsertine orai qoldaýlaryńyzdy suraimyz», - degen edi elordada ótken baspasóz máslihatynda Erlan Qarin.
