Ánshi Dimash Qudaibergen Qazaqstannyń densaýlyq saqtaý júiesine 500 myń dollar syilady, - dep habarlaidy "Ult aqparat".
Basylym málimetinshe, bul jańalyqty C.U.R.E úkimettik emes qaiyrymdylyq qorynyń prezidenti Dýglas Djekson málimdegen.
"Dimash C.U.R.E jobasynyń ambassadory retinde Halyqaralyq áielder kúnin onlain formattaǵy toilaý sharasyna qatysyp, án saldy. Odan túsken shamamen jarty million dollar aqsha dári-dármek pen meditsinalyq jabdyqtar satyp alýǵa jumsaý úshin Qazaqstanǵa tabystalady", - dedi ol.
Onlain formatta ótken sharada Dimash sóz sóilegeni aitylady. Odan soń qiyn-qystaý – pandemiia kezinde meditsina qyzmetkerlerine arnalǵan ániniń beinebaiany kórsetilipti.
"Dimash jyldyń basynda onlain kontsert ótkizdi. Odan túsken tabystyń bir bóligin ol Qazaqstannyń densaýlyq salasyna berdi. 500 myń dollar dári-dármek pen meditsinalyq qural-jabdyqtar satyp alý úshin jumsalatyny aityldy. Osy jaǵdai bizdiń onymen jaqyn tanysýymyzǵa túrtki boldy. Sóitip ony ózimizdiń bas ambassadorymyz retinde taǵaiyndadyq. Onyń meditsina qyzmetkerleriniń jankeshtiligi men qaharmandyǵyna arnalǵan áni bar", - delinedi basylym silteme jasaǵan qosymsha aqparatta.
