ەنشٸ ديماش قۇدايبەرگەن قازاقستاننىڭ دەنساۋلىق ساقتاۋ جٷيەسٸنە 500 مىڭ دوللار سىيلادى, - دەپ حابارلايدى "ۇلت اقپارات".
باسىلىم مەلٸمەتٸنشە, بۇل جاڭالىقتى C.U.R.E ٷكٸمەتتٸك ەمەس قايىرىمدىلىق قورىنىڭ پرەزيدەنتٸ دۋگلاس دجەكسون مەلٸمدەگەن.
"ديماش C.U.R.E جوباسىنىڭ امباسسادورى رەتٸندە حالىقارالىق ەيەلدەر كٷنٸن ونلاين فورماتتاعى تويلاۋ شاراسىنا قاتىسىپ, ەن سالدى. ودان تٷسكەن شامامەن جارتى ميلليون دوللار اقشا دەرٸ-دەرمەك پەن مەديتسينالىق جابدىقتار ساتىپ الۋعا جۇمساۋ ٷشٸن قازاقستانعا تابىستالادى", - دەدٸ ول.
ونلاين فورماتتا ٶتكەن شارادا ديماش سٶز سٶيلەگەنٸ ايتىلادى. ودان سوڭ قيىن-قىستاۋ – پاندەمييا كەزٸندە مەديتسينا قىزمەتكەرلەرٸنە ارنالعان ەنٸنٸڭ بەينەبايانى كٶرسەتٸلٸپتٸ.
"ديماش جىلدىڭ باسىندا ونلاين كونتسەرت ٶتكٸزدٸ. ودان تٷسكەن تابىستىڭ بٸر بٶلٸگٸن ول قازاقستاننىڭ دەنساۋلىق سالاسىنا بەردٸ. 500 مىڭ دوللار دەرٸ-دەرمەك پەن مەديتسينالىق قۇرال-جابدىقتار ساتىپ الۋ ٷشٸن جۇمسالاتىنى ايتىلدى. وسى جاعداي بٸزدٸڭ ونىمەن جاقىن تانىسۋىمىزعا تٷرتكٸ بولدى. سٶيتٸپ ونى ٶزٸمٸزدٸڭ باس امباسسادورىمىز رەتٸندە تاعايىندادىق. ونىڭ مەديتسينا قىزمەتكەرلەرٸنٸڭ جانكەشتٸلٸگٸ مەن قاھارماندىعىنا ارنالعان ەنٸ بار", - دەلٸنەدٸ باسىلىم سٸلتەمە جاساعان قوسىمشا اقپاراتتا.
