Dimash Qudaibergen Frantsiianyń "France 2" baǵdarlamasynda óner kórsetti, - dep habarlaidy kaz.tengrinews.kz tilshisi ánshiniń PR-direktory ári dosy Alpamys Sharimovqa silteme jasap.
Sharimovtyń aitýynsha, Dimash Qudaibergendi Les années bonheur jobasynyń bas júrgizýshisi Sebastian Patrik shaqyrtqan. "Ol Dimashty Internetten kórip, Frantsiiadaǵy baǵdarlamasyna arnaiy qurmetti qonaq retinde shaqyrdy. Baǵdarlamada Dimashpen birge álemge tanymal kóptegen óner juldyzdary óner kórsetti. Osy keshte LP Laýra da (Laýra Pergolitstsi) án aitatyn bolady", - dep habarlady ol.
© Alpamys Sharimov
Baǵdarlama 6 mamyrda kórsetiledi. Bul týraly ánshiniń ózi de Instagram jelisinde jazdy.
"Frantsiianyń "France 2" ortalyq telearnasyndaǵy Eýropanyń eń tanymal baǵdarlamasy "Les années bonheur" kabare shoýynyń qurmetti qonaǵy bolamyn! Álemdik óner juldyzdary bir saxnada toǵysqan atalmysh kesh 6 mamyr kúni ótedi. Frantsiia ýaqytymen 20:55-te. Jiberip almańyzdar!!!", - degen ánshi baǵdarlamanyń úzindisi kórsetilgen video jariialady.
Videoda kórermenderdiń qazaqstandyq ánshiniń ónerin erekshe yqylaspen tamashalap otyrǵanyn baiqaýǵa bolady.
