.jpeg)
Birinshi Ortalyq Aziia media forýmynyń «Beibitshilik etikasy» taqyrybyndaǵy sessiiada sóz sóilegen Dimash Qudaibergen alǵashqy sózin Muhammed Haidar Dýlatidiń sózimen bastady.
«Túrli álemdegi tynyshtyq pen beibitshiliktiń eń basty kilti sarymaidan qyl sýyrǵandai saiasi diplomatiialyq, adami qarym-qatynas memleketaralyq syilastyq. Bir memlekettiń basqa memlekettiń territoriialyq tutastyǵyn, ishki saiasatty qurmetteýi. Ǵalymdardyń zertteýindegi adamzat tarihy alǵash ret hatqa túskennen bergi kezeńge kóz júgirtsek, myńdaǵan jyl ishinde iaǵni, bes jarym myń jyl ishinde adam balasy 292 jyl ǵana tynyshtyqta ómir súrgen desedi. Bul ókinishti jait. Adamzat sanasynyń baǵzy zamandardan beri kóp ózgermendigin kórsetedi. Áli kúnge deiin talai elder soǵys zardabyn tartyp, ekonomikasy quldyrap jatyr. Talai jazyqsyz jandar sol zulmattyń zardabyn tartýda. Munyń barlyǵy beibitshilik etken jerler, berekesizdik jailaityndyǵynyń aiǵaǵy. Soǵys otyn tutatpaý, beibitshilik úshin kúresý qazirgi XXI ǵasyrdyń da eń ózekti máselesiniń biri bolyp tur. Biz nelikten myńdaǵan jyldar boiy tatý ǵumyr keshýdi úirene almai kelemiz? Osy suraq meni kópten beri mazalaidy», - dedi ánshi.
Sondai-aq, Dimash adamzattyń ortaq múddesi úshin birge kúresýge shaqyrdy.
«Biz bir jaǵadan bas, bir jeńnen qol shyǵaryp, jalpy adamzattyń ortaq múddesi úshin nege birige almai kelemiz? Bizge ne jetpeidi? Sondyqtan árqashan dúrdarazdyqqa jol bermei, dostasa alýymyz qajet. Biz bir úidiń, bir mekenniń perzentimiz. Elimizde tynyshtyq, álemde beibitshilik bolsyn. Eń bastysy, bizdiń óskeleń urpaqqa túsindiretinimiz ata-baba qanymen kelgen Táýelsizdikti qorǵaýymyz kerek. Elimizdiń amandyǵy úshin jumys jasaýymyz kerek», - dedi Dimash Qudaibergen.
Esterińizge sala keteiik, búgin - Ortalyq Aziia media forýmynyń birinshi kúni. Is-sharany uiymdastyrýshy - Aqparat jáne qoǵamdyq damý ministrligi.
