Dimash Qudaibergen álemdik mýzykanyń ańyzy, italiialyq ánshi Andrea Bochellimen kezdesti, dep jazady Sputnik agenttigi.
Bochelli Dimashtyń ǵajaiyp daýysy bar ekenin atap ótip, oǵan sáttilik tiledi.
Kezdesý qai elde ótkeni belgisiz. Degenmen italiialyq tenor Twitter-de sársenbi, 15 mamyrda Beijińdegi Olimpiada saiabaǵynda Aziialyq órkenietter arasyndaǵy dialog jónindegi konferentsiia aiasynda ótetin "Aziia mádenieti karnavalyna" (CDAS Asian Culture Carnival) qatysatynyn habarlady.
Esterińizge sala keteiik, buǵan deiin qazaq ánshisi óziniń Instagram-daǵy akkaýntynda álemdik deńgeidegi ánshimen dýet aitýdy josparlap otyrǵanyn jazǵan-dy.
Dimashtyń kóptegen jankúieri áńgime Andrea Bochelli nemese Lara Fabian jaily bolyp otyr dep boljady.
