Tanymal qazaqstandyq ánshi Dimash Qudaibergen shyǵarmashylyq jolyn jetildirý maqsatynda AQSh-qa kóshetin boldy. Bul týraly ánshi jelidegi paraqshasynda málimdedi.
«MTV USA telearnasyna Kevin Kennige bergen ekinshi ekskliýziv suqbatym shyqty. Meniń Qytaida qansha jyl turǵanymdy jáne shyǵarmashylyǵymdy qoldaý úshin Amerikaǵa qashan kóshýdi josparlap otyrǵanymdy tolyq nusqadan bile alasyzdar», - dep jazdy Dimash Instagram paraqshasynda.
Suqbat barysynda qazaqstandyq ánshi Amerikaǵa ketkisi keletinin aitty.
«Mýzykany jetildirý úshin biraz ýaqyt Amerikada bolýdy josparlap otyrmyn. Ol úshin álemdik shoý-biznestiń ortalyǵynda bolý qajet. Mende osyǵan uqsas tájiribe bar: men mýzykamdy jetildirý úshin úsh jarym jyl Qytaida boldym. Alaida men úshin eń súiikti oryn – otbasym bar jer», - dedi Dimash.
