Áigili qazaq ánshisi Dimash Qudaibergen «Álem arýy-2018» baiqaýynda án shyrqaidy. Bul týraly ánshi óziniń Instagramdaǵy paraqshasynda jazdy, dep habarlaidy "Ult aqparat".
«8 jeltoqsanda «Álem arýy» baiqaýynda qatysýshylardy qoldap án arnaimyn. Kóriskenshe», - dep jazdy ánshi paraqshasynda.
Aita ketsek, 2018 jylǵy «Álem arýy - 2018» baiqaýy 8 jeltoqsanda Qytaidyń Sania qalasynda 68-shi márte ótkiziledi. Atalmysh baiqaýda álemniń 120 elinen arýlar baq synaidy.
«Álem arýy - 2018» konkýrsyna elimizdiń atynan Qazaqstannyń vitse-arýy, qaraǵandylyq Ekaterina Dvoretskaia qatysady. Jerlesimizge onlain-daýysty myna silteme arqyly berýge bolady.
