TC Candler sulýlyqtyń táýelsiz synshylary 2018 jyldyń eń ajarly azamattarynyń úzdik júzdigin jariia etti. Dimash Qudaibergen erler arasyndaǵy eń kelbetti azamattardyń tizimine 90-ynsha bolyp endi, dep habarlaidy QazAqparat agenttigi.
Aita keteiik, 2017 jyly Dimash 76-ynshy orynda bolǵan.
Erler arasyndaǵy sulýlyǵy men symbaty jarasqan 100 tulǵanyń tiziminiń sońynda amerikalyq akter Leonardo di Kaprio tur, argentinalyq fýtbolshy Lionel Messi 98-inshi orynǵa turaqtaǵan. Amerikalyq akter Kris Evans 94-inshi orynda tur, britaniialyq anshi Zein Malik 91-inshi, avstraliialyq akter Kris Hemsvort 74-inshi orynda tur. Portýgaliialyq sportshy Krshtianý Ronaldý 72-inshi, amerikalyq akter («Juldyzdy sapar» filminde kapitan Djeims Tiberiia Kirktiń rólin somdaityn) Kris Pain 69-ynshy, frantsiialyq fýtbolshy Antýan Grizman 61-inshi orynǵa turaqtaǵan. 57-inshi orynda «Igry Prestolov» filminiń juldyzy Kit Harrington, britaniialyq akter Djeimi Dornan 50-inshi orynda tur. Tizimniń 42-inshi ornyna amerikalyq akter Zak Efron jaiǵasqan, 32-inshi oryn ońtústikkoreialyq ánshi Kim Mingiýge tiesili, koreialyq ánshi Pak Djimin 25-inshi orynda, túrkiialyq akter Chagatai Ýlýsoi 23-shi bolyp tur. Sondai-aq reseilik akter Aleksei Vorobev 14-inshi orynda tursa, fýtbolshy Devid Bekhem 13-inshi oryndy enshilegen.
Eń kelbetti 100 azamattyń úshtigine amerikalyq akter Idris Elba men ońtústikkoreialyq ánshi Chon Djongýk kirgen. Tizimdi amerikalyq (Taqtar oiyny filmi) akter Djeison Momoa bastap tur.
Aita keteiik, qazaqstandyq ánshi Dimash Qudaibergen jýyrda ǵana «Jyl ánshisi» ári «Uly Jibek jolynyń mádeni elshisi» atanǵan bolatyn.
