Qazaqstandyq ánshi Dimash Qudaibergenov qatysyp jatqan Qytaidaǵy “I am a Singer” án baiqaýy otandyq telearnadan taratylady.
Bul týraly “Habar” agenttigi basqarma tóraǵasynyń orynbasary Rinat Kertaev óziniń Feisbýktegi paraqshasynda habarlady.
“Qazaq eli daryndaryn qoldaidy! “Habar” agenttigi Dimash ulyn qoldaidy! Eshten kesh jaqsy deidi atam qazaq. Qytai tarapymen uzaqqa sozylǵan qiyn da kúrdeli kelsisózder artta qaldy. Alla qalasa jańa kóktemgi maýsymnan bastap “Habar” arnasy QHR-da ótip jatqan “I am singer” jobasyndaǵy Dimash Qudaibergen qatysqan barlyq shyǵarylymdardy otandyq kórermen nazaryna usynatyn bolady. Qýan qazaq, qýan kórermen! Alǵa, Dimash!”, - dep jazdy Rinat Dýmanuly.
Eske sala keteiik, “I am a Singer” jobasy - Hýnan telearnasynan kórsetiletin realiti-shoý formatyndaǵy mýzykalyq baiqaý.
