Ánshi Dimash Qudaibergen kezekti klipin túsirý úshin Ispaniiaǵa attandy, dep habarlaidy "Ult aqparat".
Ánshiniń ózi Eýropa eline sapary týraly Instagram paraqshasynda jazdy.
«Qaljyraǵan aqqýlardyń sezimi» ánine klip túsirý úshin Ispaniiaǵa ushyp baramyn», - dep jazdy ánshi óz paraqshasynda.
Eske sala ketsek, osydan eki apta buryn Astanada baspasóz máslihatyn ótkizgen Dimash Qudaibergen «Liýbov ýstavshih lebedei» ániniń avtory, reseilik Igor Krýtoi týraly pikirimen bólisken edi.
«Árine, ánshi úshin jaqsy kompozitorlarmen jumys jasaý óte mańyzdy bolyp tabylady. Osy oraida, meniń mansabymda, shyǵarmashylyq ómirimde jaqsy kompozitorlar kezdesip jatyr dep aitýǵa tolyq negiz bar. Qazirgi ýaqytta biz Igor Krýtoimen jaqsy mýzykalyq tandem bolyp júrmiz. Ol kisiniń kásibi turǵydaǵy biliktiligi, mýzykadaǵy bilimi týraly uzaq áńgime aitýǵa bolady. Óitkeni, ol Pavorotti, Lara Fabian, Dmitrii Hvorostovskii sekildi álemdik kompozitorlarmen jumys jasaǵan bilikti óner iesi. Qazirgi tańda Krýtoidyń shyǵarǵan birneshe týyndylary meniń repertýaryma enip otyr», - degen edi Dimash Qudaibergen OKQ-da ótken baspasóz máslihatynda.
