Dimash Qudaibergen "I am a Singer" jobasynyń 10-kezeńinde úshinshi orynǵa ie bolyp, baiqaýdyń finalyna joldama aldy, dep habarlaidy Ult.kz tilshisi QazAqparat agenttigine silteme jasap.
Dimash bul kezeńde O.Baiseńgirdiń sózine jazylǵan óz áni «Umytylmas kúndi» shyrqaǵan bolatyn. Qytailyq hupu.com saitynyń málimetinshe, Dimashpen birge qytailyq ánshi Lin Yi Lian jáne qytailyq «Lion» toby aqtyq kezeńge shyqqany jariia etildi.
Dimash osymen baiqaýdyń barlyq irikteý kezeńin artta qaldyryp, sońǵy mejege súrinbei ótti. Onynshy kezeńnen keiin jarys jolynan shyǵyp qalǵan ánshilerge jubatý básekesi bolady. Final eki kezeńge bólinip, sońǵy final tikelei efirden kórsetiledi. Erteń baiqaýdyń 9-kezeńi efirden kórsetiledi. Onda Dimash kanadalyq ánshi Selin Dionnyń «All by myself» ánin oryndaidy. Bul kezeńde Dimash ekinshi oryn alǵan bolatyn. Al 10-kezeń efirge 25 naýryz kúni shyǵady.
Sondai-aq, Dimash Qudaibergenniń Qytaidaǵy án baiqaýyndaǵy saiysyn otandyq telearna kórsetedi. Bul týraly «Habar» agenttiginiń basqarma tóraǵasynyń orynbasary Rinat Kertaev málim etti.
