Qazaqstandyq ánshi Dimash Qudaibergenniń brendimen internet-dúken jumys istei bastady, dep habarlaidy "Ult aqparat".
«Dimash» atty internet-dúkenniń taýarlaryn halyqqa jetkizý maqsatynda búgin «Qazposhta» AQ basshylyǵy men ánshiniń ákesi Qanat Aitbaevtyń arasynda seriktestik týraly kelisim jasaldy.
«Qazposhta «Dimash» atty internet-dúkenniń jumysyn alǵa bastyryp, taýarlaryn tutynýshylarǵa jetkizýge kómek kórsetetin bolady. Qazir olar shái men kiimder toptamasyn shyǵara bastady. Aldaǵy ýaqytta dúkende Dimashtyń shyǵarmashylyǵyna arnalǵan kádesyilar da satylatyn bolady. Dimash Qudaibergen - bul brend, álemdik deńgeidegi juldyz, bizdiń elimizdi álemdik sahnada tanytyp júrgen tulǵa», - dep jazdy «Qazposhta» AQ basqarma tóraǵasy Sáken Sársenov Feisbýktegi paraqshasynda.
Sondai-aq ol jas ánshiniń internet-dúkeni Qazaqstanda jáne shetelde elektrondyq saýdanyń damýyna zor úles qosatynyna senim bildirdi.
Aita keteiik, Dimash Qudaibergen ótken jyldan beri «Qazposhtanyń» kelbeti bolyp tabylady.
Dimash Qudaibergen - Vitebsk qalasynda ótken «Slavian bazary-2015» baiqaýynyń Gran-pri, MTV Music Awards premiialarynyń iegeri, nominatsiialary: «Aziianyń eń tanymal ánshisi», «Halyqaralyq deńdeidegi eń tanymal ánshi», «Jyldyń eń úzdik ánshisi» jáne «Eń tanymal shetel ánshisi». Dimash Qytaida ótken Singer-2017 baiqaýynyń finalynda ekinshi oryn alyp, álemdik deńgeidegi tanymaldyqqa ie boldy.
