قازاقستاندىق ەنشٸ ديماش قۇدايبەرگەننٸڭ برەندٸمەن ينتەرنەت-دٷكەن جۇمىس ٸستەي باستادى, دەپ حابارلايدى "ۇلت اقپارات".
«ديماش» اتتى ينتەرنەت-دٷكەننٸڭ تاۋارلارىن حالىققا جەتكٸزۋ ماقساتىندا بٷگٸن «قازپوشتا» اق باسشىلىعى مەن ەنشٸنٸڭ ەكەسٸ قانات ايتباەۆتىڭ اراسىندا سەرٸكتەستٸك تۋرالى كەلٸسٸم جاسالدى.
«قازپوشتا «ديماش» اتتى ينتەرنەت-دٷكەننٸڭ جۇمىسىن العا باستىرىپ, تاۋارلارىن تۇتىنۋشىلارعا جەتكٸزۋگە كٶمەك كٶرسەتەتٸن بولادى. قازٸر ولار شەي مەن كيٸمدەر توپتاماسىن شىعارا باستادى. الداعى ۋاقىتتا دٷكەندە ديماشتىڭ شىعارماشىلىعىنا ارنالعان كەدەسىيلار دا ساتىلاتىن بولادى. ديماش قۇدايبەرگەن - بۇل برەند, ەلەمدٸك دەڭگەيدەگٸ جۇلدىز, بٸزدٸڭ ەلٸمٸزدٸ ەلەمدٸك ساحنادا تانىتىپ جٷرگەن تۇلعا», - دەپ جازدى «قازپوشتا» اق باسقارما تٶراعاسى سەكەن سەرسەنوۆ فەيسبۋكتەگٸ پاراقشاسىندا.
سونداي-اق ول جاس ەنشٸنٸڭ ينتەرنەت-دٷكەنٸ قازاقستاندا جەنە شەتەلدە ەلەكتروندىق ساۋدانىڭ دامۋىنا زور ٷلەس قوساتىنىنا سەنٸم بٸلدٸردٸ.
ايتا كەتەيٸك, ديماش قۇدايبەرگەن ٶتكەن جىلدان بەرٸ «قازپوشتانىڭ» كەلبەتٸ بولىپ تابىلادى.
ديماش قۇدايبەرگەن - ۆيتەبسك قالاسىندا ٶتكەن «سلاۆيان بازارى-2015» بايقاۋىنىڭ گران-پري, MTV Music Awards پرەمييالارىنىڭ يەگەرٸ, نوميناتسييالارى: «ازييانىڭ ەڭ تانىمال ەنشٸسٸ», «حالىقارالىق دەڭدەيدەگٸ ەڭ تانىمال ەنشٸ», «جىلدىڭ ەڭ ٷزدٸك ەنشٸسٸ» جەنە «ەڭ تانىمال شەتەل ەنشٸسٸ». ديماش قىتايدا ٶتكەن Singer-2017 بايقاۋىنىڭ فينالىندا ەكٸنشٸ ورىن الىپ, ەلەمدٸك دەڭگەيدەگٸ تانىمالدىققا يە بولدى.
