Dimash Qudaibergenniń Astanada ótetin úlken shoýyna Lara Fabian jáne Konstantin men Valerii Meladzeler qatysady. Bul týraly Tengrinews.kz saity QR Mádeniet jáne sport ministri Arystanbek Muhamediulyna silteme jasap habarlady.
"Biz qazir kelissózderdi belsendi júrgizip jatyrmyz, Lara Fabianmen jáne aǵaiyndy Meladzelermen kelisim bar, basqa qatysýshylarmen de kelissóz júrgizip jatyrmyz. Basty figýra - Dimash Qudaibergen. Biz onymen qýana-qýana birge án salatyn oryndaýshylardy shaqyramyz. Menińshe, eki apta ishinde barlyq tehnikalyq máseleni retteimiz. Qarapaiym ǵana jeke kontsert emes, úlken shoý ótkizgimiz keledi", - deidi ministr.
Arystanbek Muhamediulynyń aitýynsha, biletter sáýirdiń ortasynan bastap satylady eken. "Jaryqtandyrý men tehnikalyq jabdyqqa negizgi qarajat jumsalady. Dimash Qudaibergen eliniń patrioty jáne mundai óner kórsetýimen qyrýar aqsha tabýdy kózdemeidi", - deidi ol.
Aita ketsek, "Dimash Qudaibergen shaqyrady" kontserti "Astana Arena" sahnasynda 27 maýsymda ótedi dep josparlanǵan.
