"Dikii Arman" laqap atymen tanymal Arman Jumageldievtiń qamaýǵa alý merzimi 7 maýsymǵa deiin uzartyldy. Bul týraly Bas prokýratýra málimdedi, - dep habarlaidy Tengrinews.kz.
"4 sáýirde Almatynyń mamandandyrylǵan aýdanaralyq tergeý soty Arman Jumageldievtiń qamaýǵa alý túrindegi bultartpaý sharasyn 2022 jyldyń 7 maýsymyna deiin uzartty", - dedi Jarylqasyn.
Bas prokýratýra málimetinshe, Jumageldiev myna baptar boiynsha kúdikti retinde qamaýǵa alynǵan:
- QK 287-baby, 4-bóligi "Adamdar tobynyń aldyn ala sóz bailasýymen nemese birneshe ret qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý";
- QK 272-baby, 2-bóligi "Kúsh qoldanýmen, qiratýmen, órteýmen, buzýmen, múlikti joiýmen, atys qarýyn, jarylǵysh zattardy nemese jarylys qurylǵylaryn qoldanýmen, sondai-aq bilik ókiline qarýly qarsylyq kórsetýmen ulasqan, onyń ishinde sheteldik kózderden alynǵan qarajatty paidalana otyryp jappai tártipsizdikke qatysý";
- QK 126-baby, 3-bóligi, 3-tarmaqshasy "Adamdy bas bostandyǵynan zańsyz aiyryp, abaisyzda jábirlenýshiniń ólimine ne ózge de aýyr zardaptarǵa ákep soǵý".
