QR BǴM Ulttyq testileý ortalyǵynyń direktory Didar Smaǵulov UBT kezindegi úzilisterge túsinik berdi, dep habarlaidy "Ult aqparat".
«Jalpy, test tapsyrmalarynyń sany ózgermedi, 5 pán qaldy. Eki beiindi jáne úsh mindetti pán qamtylady. Test tapsyrmalaranyń sany – 120, onyń ishinde Qazaqstan tarihy boiynsha – 15, matematikalyq saýattylyq boiynsha – 15, oqý saýattylyǵy– 20 jáne eki beiindik pánnen 35 tapsyrmadan beriledi», - dep toqtaldy D. Smaǵulov Ortalyq kommýnikatsiialar qyzmetinde.
UBT nátijesi boiynsha talapkerler eń joǵary 140 ball jinai alady.
Onyń aitýynsha, testileýdi ótkizý ýaqyty - 240 minýt (4 saǵat).
«Atap aitqanda, testileý kezinde bir saǵattan keiin talapkerlerge eki minýt úzilis, 120 minýttan keiin 15 minýt úzilis beriledi. Bul úzilister kompiýterge qatysty erekshelikterdi eskere otyryp, sanitarlyq normalarǵa sáikes balalarǵa arnaiy berilip otyr. Bul qadamdar talapkerlerdiń densaýlyǵy úshin jasalyp otyr», - dedi ulttyq testileý ortalyǵynyń direktory.
