Sársenbi kúni dál qazirgi sátte jolaýshylar Diamond Princess krýizdik lainerinen Japoniianyń Iokogama portynyń jaǵalaýyna shyǵyp jatyr, dep habarlaidy jergilikti BAQ.
Búgin lainerde jańa koronavirýstyń órshýine bailanysty eki aptalyq karantin aiaqtaldy.
Sársenbi, 19 aqpanda kemeden koronavirýsqa tapsyrǵan testi teris nátije bergen jáne naýqastarmen bailanyspaǵan 500 jolaýshy shyǵa alady. Birinshi topta egde jastaǵy adamdar.
Jalpy, kemeden 3 myńǵa jýyq adam túsedi dep josparlanyp otyr. Japoniia ministrler kabineti habarlaǵandai, kemeden adamdardy shyǵarýǵa úsh kúndei ýaqyt kerek.
Sonymen qatar, Japoniia biligi lainerdegi barlyq jolaýshylardan koronavirýsqa synama alynǵanyn málim etti.
Alaida, koronavirýs juqtyrǵandarmen bailanysta bolǵan jolaýshylar lainerde biraz ýaqytqa meditsinalyq baqylaýǵa alynady.
Jaǵada jolaýshylardy avtobýstar kútip tur. Keibir týrister porttan taksimen ketip bara jatyr.
18 aqpandaǵy jaǵdai boiynsha, kemede 543 jolaýshy men ekipaj múshesi koronavirýs juqtyrǵan. Bul qurlyqtyq Qytaidan tys jańa koronavirýs juqtyrǵandar kóp shoǵyrlanǵan jer bolyp otyr.
