Avtomobil joldarynyń asa apatty ýchaskelerinde qosymsha jaryqtandyrý jáne jyldamdyqty baqylaý quraldaryn ornatý kerek. Bul týraly Parlamet Májilisiniń jalpy otyrysynda depýtat Sergei Reshetnikov málim etti, dep habarlaidy "Ult aqparat".
«Mektep oqýshylary men stýdentter arasyndaǵy zertteý olardyń tek 41,2 paiyzy jol júrý erejelerimen tanys ekendigin, 34,2 paiyzy erejelerdiń keibir tarmaqtaryn ǵana biletinin, 10,4 paiyzy nashar biletinin, 8,8 paiyzy tipti bilmeitinin kórsetti. Al 5,4 paiyzy múldem jaýap bermegen», - dedi ol búgin jariialaǵan depýtattyq saýalynda.
«Qaýipsizdikke áser etetin taǵy bir faktordy qarastyraiyq. Ol jol infraqurylymynyń jaǵdaiy. Jol infraqurylymyn damytý boiynsha keshendi sharalar qabyldaý apattylyqty, jaraqattanýdy jáne ólim-jitimdi tómendetýge múmkindik beredi.
Búgingi tańda Qazaqstanda respýblikalyq mańyzy bar 25 myń shaqyrymǵa jýyq jol bar, onyń 4 ýchaskesi aqyly (uzyndyǵy 682 shaqyrym). 2021 jyly taǵy 18 jol aqyly bolady, al 2024 jylǵa deiin onyń uzyndyǵyn 11 myń shaqyrymǵa deiin jetkizý josparlanyp otyr. Árine, aqyly joldar jol boiyndaǵy qyzmet kórsetý, jaqsy jol jamylǵysy, ýaqtyly tazartý jáne basqa da artyqshylyqtardy usynady», - dep toqtaldy S. Reshetnikov.
Osy oraida ol birneshe usynystaryn jariia etti.
«Azamattardyń quqyqtyq sanasy men quqyqtyq mádenietin arttyrý, olardy jol qozǵalysy erejelerin múltiksiz saqtaý rýhynda tárbieleý boiynsha memlekettik jáne qoǵamdyq organdardyń, kásiporyndar men uiymdardyń belsendi jáne maqsatty jumysyn jalǵastyrý kerek. Avariialyq jáne jol qyzmetteriniń jumysyn jetildirý, zardap shekkenderge meditsinalyq kómektiń sapasy men jedeldigin arttyrý - bul jol-kólik oqiǵalarynda aman qalǵandardyń múgedektigi men zardap shegý yqtimaldyǵyn azaitady», - dedi depýtat.
Onyń paiymynsha, jol qozǵalysy qaýipsizdiginiń aldyn alý jáne deńgeiin arttyrý maqsatynda avtomobil joldarynyń asa apatty ýchaskelerinde jaryqtandyrý jáne jyldamdyqty baqylaý quraldaryn ornatý kerek. Aýdandyq jáne oblystyq mańyzy bar joldarǵa erekshe nazar aýdarylýy qajet. Eldi mekenderde jaiaý júrginshilerdiń qatysýymen bolatyn jol-kólik oqiǵalaryn tómendetý úshin jerústi jáne jerasty jaiaý júrginshiler ótkelderiniń sanyn ulǵaitý mańyzdy.
