Senat pen Májilis depýtattary Memleket basshysy Qasym-Jomart Toqaevtyń «Qazaqstan halqyna» qoǵamdyq áleýmettik qoryn qurý týraly bastamasyn qoldap, bir kúndik jalaqylaryn osy qorǵa aýdardy, dep habarlaidy qos palatanyń baspasóz qyzmeti.
«Qazaqstan halqyna» qoǵamdyq áleýmettik qoryn qurýdy el Prezidenti Qasym-Jomart Toqaev biylǵy jyldyń 11 qańtarynda Májilis otyrysynda sóilegen sózinde tapsyrǵan bolatyn.
Qor densaýlyq saqtaý, bilim berý jáne áleýmettik qoldaý salalaryndaǵy naqty problemalarmen ainalysady.
Memleket basshysy atap ótkendei, qorda jinalǵan qarajat sirek kezdesetin aýrýǵa shaldyqqan balalarǵa kómek kórsetýge, qala, aýdan, kent, aýyldarda balalarǵa arnalǵan sport nysandaryn salýǵa, daryndy balalarǵa qoldaý kórsetýge jáne basqa da áleýmettik maqsattarǵa baǵyttalady.
