Advokat qyzmeti jáne zań kómegi týraly keibir zań jobalary qaita qaralady. Bul týraly Májilistiń Zańnama jáne sot-quqyqtyq reforma komitetiniń tóraǵasy Qanat Mýsin Facebook-tegi paraqshasynda jazdy, dep habarlaidy "Ult aqparat".
«Búgin Májilis biýrosy mańyzdy sheshim qabyldady. Ol týraly sizdermen bólisýdi jón kórip otyrmyn. Senatqa túzetýlermen qaitarylǵan «Advokattyq qyzmet jáne zań kómegi suraqtary jónindegi Qazaqstan Respýblikasynyń keibir zańnamalayq aktilerine ózgerister men tolyqtyrýlar engizý týraly» zań jobasy boiynsha talqylaý ótti. Keibir túzetýler zań jobasynyń tujyrymdamalyq normalaryn qozǵaidy jáne Májilis pozitsiiasymen sai kelmeidi dep oilaimyz.
Osyǵan orai, zań jobasynyń bólek normalary, sonyń ishinde zań konsýltanttarynyń Respýblikalyq alqaǵa erkin múshelik etý máselesi boiynsha kelispeýshilik týyndamaýy úshin Májilis pen Senat depýtattarynyń qatarynan kelistirýshi komissiia qurý týraly usynysty palatanyń plenarlyq otyrysyna engizý týraly sheshim qabyldandy», dedi Qanat Mýsin.
