Májilis depýtaty Vakil Nabiev jetim balalardy baspanamen qamtamasyz etýdegi problemany kóterdi, dep habarlaidy "Ult aqparat".
«Bizdiń saýalǵa jetim balalar men ata-ananyń qamqorlyǵynsyz qalǵan jetkinshekterdiń baspana alýda kezek pen monitoringiden ótýi rásimimen bailanysty bolyp otyr», - dedi Nabiev Úkimet basshysynyń orynbasary Eraly Toǵajanovtyń atyna joldaǵan depýtattyq saýalynda.
Ministrlikter málimetine qaraǵanda, jetim balalar, ata-anasynyń qamqorlyǵynsyz qalǵan balalar sanaty boiynsha baspanaǵa muqtajdar sany 2020 jyly elimizde 59 406-ny qurap, onyń ishinde 876 adam, iaǵni 1,4 paiyzy memlekettik turǵyn úi qorynan páter aldy.
«Osyǵan bailanysty qoljetimdi, paidalanýǵa qolaily biryńǵai elektrondy baza qurý qajettigi bar dep sanaimyz. Onda jetim balalar men ata-anasynyń qamqorlyǵynsyz qalǵan balalar ózderiniń kezegi qandai tártippen jyljyp jatqanyn kóre alar edi», - dedi depýtat.
Bul turǵyda Vakil Nabiev atalǵan júie boiynsha tiisti sheshimder qabyldaýdy usyndy.
