مەجٸلٸس دەپۋتاتى ۆاكيل نابيەۆ جەتٸم بالالاردى باسپانامەن قامتاماسىز ەتۋدەگٸ پروبلەمانى كٶتەردٸ, دەپ حابارلايدى "ۇلت اقپارات".
«بٸزدٸڭ ساۋالعا جەتٸم بالالار مەن اتا-انانىڭ قامقورلىعىنسىز قالعان جەتكٸنشەكتەردٸڭ باسپانا الۋدا كەزەك پەن مونيتورينگٸدەن ٶتۋٸ رەسٸمٸمەن بايلانىستى بولىپ وتىر», - دەدٸ نابيەۆ ٷكٸمەت باسشىسىنىڭ ورىنباسارى ەرالى توعاجانوۆتىڭ اتىنا جولداعان دەپۋتاتتىق ساۋالىندا.
مينيسترلٸكتەر مەلٸمەتٸنە قاراعاندا, جەتٸم بالالار, اتا-اناسىنىڭ قامقورلىعىنسىز قالعان بالالار ساناتى بويىنشا باسپاناعا مۇقتاجدار سانى 2020 جىلى ەلٸمٸزدە 59 406-نى قۇراپ, ونىڭ ٸشٸندە 876 ادام, ياعني 1,4 پايىزى مەملەكەتتٸك تۇرعىن ٷي قورىنان پەتەر الدى.
«وسىعان بايلانىستى قولجەتٸمدٸ, پايدالانۋعا قولايلى بٸرىڭعاي ەلەكتروندى بازا قۇرۋ قاجەتتٸگٸ بار دەپ سانايمىز. وندا جەتٸم بالالار مەن اتا-اناسىنىڭ قامقورلىعىنسىز قالعان بالالار ٶزدەرٸنٸڭ كەزەگٸ قانداي تەرتٸپپەن جىلجىپ جاتقانىن كٶرە الار ەدٸ», - دەدٸ دەپۋتات.
بۇل تۇرعىدا ۆاكيل نابيەۆ اتالعان جٷيە بويىنشا تيٸستٸ شەشٸمدەر قابىلداۋدى ۇسىندى.
