QR Parlamenti Májilisiniń depýtaty Pavel Kazantsev Memleket basshysynyń tapsyrmasy boiynsha qurylatyn Ulttyq qoǵamdyq senim keńesin kim basqarýy múmkin ekenin aitty, dep habarlaidy Baq.kz agenttigi.
«Munda dominant qoǵam bolýy tiis ekenine senimdimin. Bizde azamattyq qoǵam jetkilikti dárejede naqty qalyptasqan, onyń dáleli - partiialyq uiymdar, qoǵamdyq uiymdar bar, ártúrli dialog alańdarynyń bolýy. Halyqtyń barlyq maqsatty toptarynyń múddelerin barynsha eskerý - osy keńestiń jumysynyń nátijeli bolýynyń sharty bolmaq. Soǵan sai partiia ókilderi bolýy tiis, sebebi olarda maqsatty toptar bar. Al Azamattyq alians, Kásipodaq federatsiiasy sekildi qoǵamdyq birlestikter 2 millionnan astam eńbek adamdaryn biriktiredi», - dedi Pavel Kazantsev QSZI bazasynda ótken dóńgelek ústelde.
Onyń aitýynsha, Keńes quramyna barynsha múmkindigi shekteýli adamdar, jastar jáne basqa da áleýmettik top ókilderi kirýi tiis. Sonymen qatar, osy pikirtalasty jasaý úshin memlekettik organdar ókilderiniń qatysýy mańyzdy bolmaq.
Jýrnalisterdiń qoǵamdyq senim keńesin kim basqarady degen suraǵyna depýtat jańa qurylymdy basqarý úshin memleket basshysy sekildi salmaqty tájiribeli saiasatker qajet dep jaýap berdi.
«Óz ýaqytynda Elbasy shaǵyn jáne orta biznesti jyldam damytý talap etilgen kezde nusqaý berdi. 2000 jyldardyń basynda daǵdarystan shyqqan kezde kásipkerlikti damytý jónindegi Ulttyq komissiia quryldy. Onda memlekettik organdardan da, jurtshylyqtan da 50/50 ókilderi qatysty. Ondaǵy format boiynsha kez kelgen dialogtyń birinshi mindeti problemalardy tsifrlandyrý boldy. Sol komissiiada tóraǵa kóptegen máseleni onlain rejimde sheshti. Osy sebepti onda jedel orta merzimdi jumys nysany bolýy tiis dep oilaimyn. Sondyqtan ony salmaqty saiasatker basqarýy kerek. Bul jerde prezident basqarady dep oilaimyn. Sońǵy sheshimdi árine, birinshi tulǵa qabyldaidy», - dep sózin túiindedi Kazantsev.
