HHI aqparat ǵasyrynda IT qaýipsizdigi - elimizdiń táýelsizdiginiń mańyzdy faktory. Bul týraly Májilis depýtaty Maqsat Ramanqulov aitty, dep habarlaidy QazAqparat.
«Qazaqstan Úkimetiniń Resei Sberbankimen tsifrlyq úkimet platformasyn qurý týraly kelisimi qoǵamda úlken daý týdyrdy. «Aq jol» demokratiialyq partiiasynyń fraktsiiasy ótken jyldary jekelegen ministrlikterdiń, jalpy alǵanda tsifrlyq damý máselesiniń aqparattyq júieler jumysyndaǵy sátsizdikterin birneshe ret synǵa alǵan edi. Qoldanystaǵy platformalardyń qabiletsizdigi, ásirese ótken jyldyń kókteminde pandemiia bastalǵan soń densaýlyq saqtaý, áleýmettik qamsyzdandyrý, bilim berý, salyq salý, aýyl sharýashylyǵy jáne basqa da kóptegen elektrondyq qyzmetterdiń kemshilikteri aiqyn boldy. Sol kezdiń ózinde memlekettiń jyldar boiy tsifrlandyrýǵa bólingen milliardtaǵan qarjynyń tiimsiz paidalanylýy anyqtaldy. Memlekettik organdar men jaýapty tulǵalardyń jaǵdaidy túzetý boiynsha jasaǵan áreketteri tiisti nátije bermedi. Tipti, platformalardyń odan ári alystaýyna, ony azamattar men biznestiń paidalanýynyń kúrdelenýine alyp keldi», - dedi búgin Májilistiń jalpy otyrysynda QR Premer-Ministri Asqar Maminge depýtattyq saýal joldaǵan Maqsat Ramanqulov.
Onyń atap ótýinshe, qazirgi zamanaýi tehnologiialar men jańa álemdik jaǵdailardy eskere otyryp, Qazaqstan úshin memlekettik qyzmetterdi tsifrlyq damytýda artta qalý problemasy jyl ótken saiyn ótkir bolyp tur.
Sondyqtan barlyq memlekettik organdardyń IT júielerin biryńǵai platformaǵa keltirý, zamanǵa sai jańǵyrtý qajettigi shynymen de júieli problemaǵa ainaldy.
«Degenmen, birqatar máseleler ashyq kúiinde qalyp otyr. Birinshiden, atalǵan kelisimdi ótken jyldary tsifrlandyrý baǵdarlamalaryna biýdjetten bólingen qarjynyń tiimsiz jumsalǵanyn moiyndaý dep baǵalaýǵa bola ma? Eger solai bolsa, onda ótken jyldary memlekettiń naqty qansha qarjysy memlekettik qyzmet kórsetýdi tsifrlandyrýǵa jumsaldy jáne onyń tiimsiz jumsalǵany úshin jaýapkershilik kimniń moinynda? Ekinshiden, osy kelisimdi daiyndaý kezinde otandyq nemese eń myqty halyqaralyq IT-kompaniialardyń múmkindikteri eskerildi me? Ony daiyndaý barysy ashyqtyq pen adal básekelestikke qanshalyqty sai boldy? Úshinshiden. kelisimdi iske asyrý barysynda aqparattyq qaýipsizdik múddeleri qalai qorǵalady?», - dep saýal qoiady Májilis depýtaty.
Sonymen qatar ol baspasózde jariialanǵan Tsifrlyq damý jáne aeroǵarysh ónerkásibi ministriniń túsindirmeleri jurtshylyqty qanaǵattandyrmaityndyǵyn, kerisinshe odan da kóp suraqtar týyndatqanyn alǵa tartady.
«Onyń sebebi - serverlerdi Qazaqstanda ornalastyrýda ǵana emes, olarda saqtalatyn aqparatqa bóten tulǵalardyń qoljetimdiligin shekteýdiń tehnologiialyq múmkindigi bar ma degen másele. HHI aqparat ǵasyrynda IT qaýipsizdigi - el táýelsizdiginiń mańyzdy faktory dep sanaimyz», - dedi ol.
