Májilistiń jalpy otyrysynda depýtat Ǵaziz Qulahmetov Shyǵys Qazaqstan oblysy sharýalary shyǵynǵa batyp jatqanyn, olardyń maly jii urlananatynyn aityp, másele kóterdi, dep habarlaidy "Ult aqparat".
QHP fraktsiiasynyń depýtattyq saýalynda mal urlaý, shóp órteý siiaqty qylmystardyń birqatar faktisi kórsetilgen.
«Mal ieleri kúdiktilerdi politsiiaǵa kórsetken kúnniń ózinde budan eshqandai nátije shyqpaitynyn aityp, dabyl qaǵyp otyr», – dedi depýtat Úkimet basshysynyń atyna joldaǵan saýalynda.
Depýtat Ǵaziz Qulahmetovtyń aitýynsha, oblystyq politsiia departamentiniń deregine qaraǵanda, óńirde mal urlyǵy 2019 jylmen salystyrǵanda 12 paiyzǵa tómendegen, al iri qara mal basynyń bir bóligi zardap shekkenderge qaitarylǵan. Alaida jergilikti turǵyndardyń pikirinshe, bul baǵyttaǵy jumys óte nashar júrgizilýde.
Depýtat mal urlaý siiaqty máseleler fermerlerdiń damýyna, atap aitqanda, eldiń azyq-túlik qaýipsizdigin qamtamasyz etýge aitarlyqtai ziian keltiretinine toqtalǵan.
«Taǵy bir máseleni atap ótken jón. Katonqaraǵai aýdanynda eki veterinarlyq zerthana jabylǵannan beri eki jyldan astam ýaqyt ótti. Saldarynan aýdan turǵyndary mal jáne ara sharýashylyǵy ónimderin zerthanalyq saraptamasyz satyp otyr. Negizinen mundai ónimderdi mektepterge, balabaqshalarǵa, ashanalarǵa, kafelerge, meiramhanalarǵa tikelei jetkizedi.Al saraptama júrgizý jáne ónimniń tazalyǵyn rastaityn anyqtama alý úshin 200 shaqyrym jerdegi kórshi aýdanǵa baryp-kelýdiń óz qiyndyǵy bar», – dedi Ǵaziz Qulahmetov.
Sondai-aq depýtattyq saýalda mal urlyǵy oryn alǵan aýyldar men aýdandardaǵy politsiia basshylarynyń qyzmettik jaýapkershiligin arttyrý jaiyn qarastyrýǵa keńes berilgen.
Onyń aitýynsha, ákimderdiń jergilikti jerlerdegi jumysyna da syn kózben qaraǵan jón. Sonymen qatar asyl tuqymdy maldy urlaǵany úshin jazany qatańdatý máseleni sheshýge kómektesedi degen boljam bar.
