Búgin Parlament Májilisiniń jalpy otyrysynda depýtat Fahriddin Qarataev elimizdiń mádeni qundylyqtary men salt-dástúrlerin nasihattaýǵa baǵyttalǵan jumystardy kúsheitýge qatysty usynystar aitty, dep habarlaidy "Ult aqparat".
«Óitkeni Qazaqstan Táýelsizdiginiń 30 jyldyǵyn úlgi tutyp atap ótý úlken mártebege ie. Bul ótken jolymyzǵa jáne eldik jetistikterimizge esep beretin shaqta turmyz. Elimizdiń 30 jyl ishinde ishki jáne syrtqy saiasattaǵy, ekonomikadaǵy ári áleýmettik-mádeni saladaǵy qol jetkizgen tabystary airyqsha! Sonymen qatar, Prezident mereitoi kezinde birinshi kezekte óskeleń urpaqqa baǵyttalǵan is-sharalardy, sondai-aq basqa da birqatar mańyzdy mindetterdi júktedi. Memlekettik organdar osy baǵytta jumystar júrgizýde. Degenmen, júrgizilip jatqan jumystardyń qarqynyn kúsheitip, idologiialyq turǵyda jumystar júrgizý qajet», - dedi F. Qarataev Premer-Ministrdiń orynbasary Eraly Toǵjanovtyń atyna joldaǵan saýalynda.
Osyǵan bailanysty depýtattyq korpýs bul máseleni qarastyrý jáne paidalaný úshin birqatar usynystardy alǵa tartty, onyń ishinde:
1. Aýyldyq okrýgterdiń, aýdandar men oblystardyń ákimderi ideologiialyq turǵyda tarihi murany, sondai-aq Qazaqstan táýelsizdiginiń jetistikterin buqaralyq aqparat quraldary, internet jáne áleýmettik jeliler arqyly nasihattaý jóninde neǵurlym keń aýqymdy jumys júrgizýi qajet.
2. Qazaqstan – daryndy jastar mekeni. Erteńgi bolashaǵymyz osy jastar býynynda. Elimizdiń bilim oshaqtaryndaǵy jastarǵa baǵyt-baǵdar berýine basymdyq berilip, Táýelsizdiktiń qadir-qasietin únemi nasihattaý kerek. Sondyqtan da, memlekettik til – qazaq tiline basa nazar aýdarylsa nur ústine nur bolary anyq. Bul – patriotizmdi damytýdyń birden bir joly.
3. Tiisti memlekettik organdardyń halyqtyń muń-muqtajyn tyńdap, halyqpen jumys isteý tásili taǵy da nyǵaitylǵany jón.
«Qazaqstan halqy Assambleiasynyń qyzmeti barysynda 26 jyl boiy qol jetkizilgen jumystardyń nátijelerin kórsetý de asa mańyzdy. Osyǵan bailanysty halyqaralyq yntymaqtastyqty nyǵaitý jáne mádeni qatynastardy damytýǵa, Qazaqstan halqynyń mádeni qundylyqtary men salt-dástúrlerin nasihattaýǵa baǵyttalǵan bastamalardy birlesip iske asyrýdy usynamyz», - dedi Fahriddin Qarataev.
