بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات فاحريددين قاراتاەۆ ەلٸمٸزدٸڭ مەدەني قۇندىلىقتارى مەن سالت-دەستٷرلەرٸن ناسيحاتتاۋعا باعىتتالعان جۇمىستاردى كٷشەيتۋگە قاتىستى ۇسىنىستار ايتتى, دەپ حابارلايدى "ۇلت اقپارات".
«ٶيتكەنٸ قازاقستان تەۋەلسٸزدٸگٸنٸڭ 30 جىلدىعىن ٷلگٸ تۇتىپ اتاپ ٶتۋ ٷلكەن مەرتەبەگە يە. بۇل ٶتكەن جولىمىزعا جەنە ەلدٸك جەتٸستٸكتەرٸمٸزگە ەسەپ بەرەتٸن شاقتا تۇرمىز. ەلٸمٸزدٸڭ 30 جىل ٸشٸندە ٸشكٸ جەنە سىرتقى ساياساتتاعى, ەكونوميكاداعى ەرٸ ەلەۋمەتتٸك-مەدەني سالاداعى قول جەتكٸزگەن تابىستارى ايرىقشا! سونىمەن قاتار, پرەزيدەنت مەرەيتوي كەزٸندە بٸرٸنشٸ كەزەكتە ٶسكەلەڭ ۇرپاققا باعىتتالعان ٸس-شارالاردى, سونداي-اق باسقا دا بٸرقاتار ماڭىزدى مٸندەتتەردٸ جٷكتەدٸ. مەملەكەتتٸك ورگاندار وسى باعىتتا جۇمىستار جٷرگٸزۋدە. دەگەنمەن, جٷرگٸزٸلٸپ جاتقان جۇمىستاردىڭ قارقىنىن كٷشەيتٸپ, يدولوگييالىق تۇرعىدا جۇمىستار جٷرگٸزۋ قاجەت», - دەدٸ ف. قاراتاەۆ پرەمەر-مينيستردٸڭ ورىنباسارى ەرالى توعجانوۆتىڭ اتىنا جولداعان ساۋالىندا.
وسىعان بايلانىستى دەپۋتاتتىق كورپۋس بۇل مەسەلەنٸ قاراستىرۋ جەنە پايدالانۋ ٷشٸن بٸرقاتار ۇسىنىستاردى العا تارتتى, ونىڭ ٸشٸندە:
1. اۋىلدىق وكرۋگتەردٸڭ, اۋداندار مەن وبلىستاردىڭ ەكٸمدەرٸ يدەولوگييالىق تۇرعىدا تاريحي مۇرانى, سونداي-اق قازاقستان تەۋەلسٸزدٸگٸنٸڭ جەتٸستٸكتەرٸن بۇقارالىق اقپارات قۇرالدارى, ينتەرنەت جەنە ەلەۋمەتتٸك جەلٸلەر ارقىلى ناسيحاتتاۋ جٶنٸندە نەعۇرلىم كەڭ اۋقىمدى جۇمىس جٷرگٸزۋٸ قاجەت.
2. قازاقستان – دارىندى جاستار مەكەنٸ. ەرتەڭگٸ بولاشاعىمىز وسى جاستار بۋىنىندا. ەلٸمٸزدٸڭ بٸلٸم وشاقتارىنداعى جاستارعا باعىت-باعدار بەرۋٸنە باسىمدىق بەرٸلٸپ, تەۋەلسٸزدٸكتٸڭ قادٸر-قاسيەتٸن ٷنەمٸ ناسيحاتتاۋ كەرەك. سوندىقتان دا, مەملەكەتتٸك تٸل – قازاق تٸلٸنە باسا نازار اۋدارىلسا نۇر ٷستٸنە نۇر بولارى انىق. بۇل – پاتريوتيزمدٸ دامىتۋدىڭ بٸردەن بٸر جولى.
3. تيٸستٸ مەملەكەتتٸك ورگانداردىڭ حالىقتىڭ مۇڭ-مۇقتاجىن تىڭداپ, حالىقپەن جۇمىس ٸستەۋ تەسٸلٸ تاعى دا نىعايتىلعانى جٶن.
«قازاقستان حالقى اسسامبلەياسىنىڭ قىزمەتٸ بارىسىندا 26 جىل بويى قول جەتكٸزٸلگەن جۇمىستاردىڭ نەتيجەلەرٸن كٶرسەتۋ دە اسا ماڭىزدى. وسىعان بايلانىستى حالىقارالىق ىنتىماقتاستىقتى نىعايتۋ جەنە مەدەني قاتىناستاردى دامىتۋعا, قازاقستان حالقىنىڭ مەدەني قۇندىلىقتارى مەن سالت-دەستٷرلەرٸن ناسيحاتتاۋعا باعىتتالعان باستامالاردى بٸرلەسٸپ ٸسكە اسىرۋدى ۇسىنامىز», - دەدٸ فاحريددين قاراتاەۆ.
