Májilistiń jalpy otyrysynda depýtat Tilektes Adambekov qazaqstandyq tsifrlyq valiýtany engizý tujyrymdamasyn ázirleýdi usyndy, dep habarlaidy "Ult aqparat".
«Kóp elderdiń ortalyq bankteri qarjy tehnologiialarynyń perspektivalyq baǵyttarynyń biri retinde Ortalyq banktiń ulttyq tsifrlyq valiýtasyn ainalymǵa shyǵarý jáne retteý máselesin belsendi sheship keledi. Mysaly, Kanada, Ulybritaniia, Shvetsiia, Qytai, Izrail ortalyq bankteri tsifrlyq valiýtalaryn qurý múmkindigin zertteýge kiristi. Qytai ótken 2020 jyly tsifrlyq iýanmen tájiribe júrgize bastady. Osy jyldyń sáýir aiynda tsifrlyq iýanmen alǵash ret áýe bileti alyndy, al 2022 jyly valiýta qoǵamdyq ainalymǵa shyǵady. Japoniianyń Ulttyq banki de óziniń tsifrlyq valiýtasyn engizý múmkindikterin qarastyrýda», - dedi depýta Úkimet basshysynyń atyna joldaǵan saýalynda.
Onyń aitýynsha, 2022 jyly Resei banki tsifrlyq rýbldi synaqtan ótkizýdi josparlap otyr. Sonymen qatar, Eýropalyq ortalyq bank aldaǵy jyldary tsifrlyq eýrony shyǵarýdy josparǵa engizgen.
«Ulttyq tsifrlyq valiýtalardy engizýdiń basty maqsaty –tehnologiialyq turǵydan neǵurlym qoljetimdi ishki ózara esep almasýdy, sondai-aq transshekaralyq tólemderdi qamtamasyz etetin jyldam jáne zańdy tólem quralyn qurý bolyp sanalady. Sonymen birge, memlekettik tsifrlyq valiýtanyń kriptovaliýtadan ereksheligi - ortalyq banki tarapynan emissiiasy qadaǵalanatyn qamtamasyz etilgen tsifrlyq aktiv bolýy kerek. Álemdik tendentsiialarǵa nazar aýdaryp, Úkimet jańa qarjy quralyn – tsifrlyq valiýtanyń, joǵaryda aitylǵan artyqshylyqtaryn eskere otyryp, Ulttyq bankiniń tsifrlyq valiýtasyn zertteýge jáne iske asyrýǵa naqty qadamdar jasaýy qajet dep sanaimyn», - dedi Tilektes Adambekov.
Onyń paiymynsha, QR Ulttyq bankiniń tsifrlyq valiýtasyn sátti engizý Qazaqstan ekonomikasyna mynadai múmkindikterdi alyp keledi:
1. Ulttyq bank tarapynan aqsha-nesie saiasatyn neǵurlym ashyq ári tiimdi baqylaý jáne ainalymdaǵy qolma qol aqshanyń úlesin ońtailandyrady.
2. Aǵyndardyń ashyqtyǵyn, sondai-aq tsifrlyq aktivterdiń ielerin, júzege asyrylatyn tólemderdiń maqsatyn naqty anyqtaý múmkindigine bailanysty tsifrlyq valiýtany engizý kóleńkeli ekonomikany joiýǵa yqpal etedi.
3. Tsifrlyq aktivterdi ielený faktisiniń ózgermeitindigi men anyqtyǵynyń arqasynda ekinshi deńgeidegi bankterdiń klientteri tsifrlyq valiýtany teńgege jáne kerisinshe aýdaryp qana qoimai, sonymen qatar jeke banktiń yqtimal defoltynan qorǵalatyn bolady.
4. Biznes ókilderi úshin blokchein tehnologiiasynyń bazasynda jańa tsifrlyq ónimderdi, taýarlar men qyzmetter naryǵynda qarjy quraldaryn, básekege qabiletti marketpleisterdi, investitsiialyq alańdardy qurý múmkindikteri paida bolady.
«Qarjy ministrligi men Ulttyq banki joǵaryda aitylyp ketken álemdik tájiribie men tendentsiiany eskere otyryp, qazaqstandyq tsifrlyq valiýtany engizý tujyrymdamasyn ázirleýi kerek dep sanaimyz», - dedi depýtat.
