Elorda máslihatynyń hatshysy Erlan Kanalimov Nur-Sultannyń atyn Astana dep ózgertý 2019 jylǵydan arzanyraq bolýy múmkin ekenin aitty. Onyń aitýynsha, 2019 jyly mańdaishalardy, blankiler men mórlerdi aýystyrýǵa shamamen 30 million teńge jumsalǵan, - dep habarlaidy Tengrinews.kz.
Elordalyq máslihat depýtattary Nur-Sultannyń ataýyn Astana dep ózgertý týraly usynysty qoǵamdyq tyńdaýda qarady.
"Qazir barlyq memlekettik organdar tsifrlyq qujat formatyna 100 paiyz kóshti. Ákimdik 2019 jyly mańdaishalardy, blankter men mórlerdi aýystyrýǵa shamamen 30 million teńge jumsaǵan bolsa, biyl tsifrlyq qujat ainalymyna kóshkenimizdi eskersek shyǵyn áldeqaida az bolady dep oilaimyn. Óitkeni qazir kóptegen memlekettik organdar blankimen eshteńe jibermeidi, tek ESQ paidalanady", - dedi Kanalimov.
Depýtat shyǵyndar jergilikti biýdjet esebinen tólenetinin eskertti.
