ەلوردا مەسليحاتىنىڭ حاتشىسى ەرلان كاناليموۆ نۇر-سۇلتاننىڭ اتىن استانا دەپ ٶزگەرتۋ 2019 جىلعىدان ارزانىراق بولۋى مٷمكٸن ەكەنٸن ايتتى. ونىڭ ايتۋىنشا, 2019 جىلى ماڭدايشالاردى, بلانكٸلەر مەن مٶرلەردٸ اۋىستىرۋعا شامامەن 30 ميلليون تەڭگە جۇمسالعان, - دەپ حابارلايدى Tengrinews.kz.
ەلوردالىق مەسليحات دەپۋتاتتارى نۇر-سۇلتاننىڭ اتاۋىن استانا دەپ ٶزگەرتۋ تۋرالى ۇسىنىستى قوعامدىق تىڭداۋدا قارادى.
"قازٸر بارلىق مەملەكەتتٸك ورگاندار تسيفرلىق قۇجات فورماتىنا 100 پايىز كٶشتٸ. ەكٸمدٸك 2019 جىلى ماڭدايشالاردى, بلانكتەر مەن مٶرلەردٸ اۋىستىرۋعا شامامەن 30 ميلليون تەڭگە جۇمساعان بولسا, بيىل تسيفرلىق قۇجات اينالىمىنا كٶشكەنٸمٸزدٸ ەسكەرسەك شىعىن ەلدەقايدا از بولادى دەپ ويلايمىن. ٶيتكەنٸ قازٸر كٶپتەگەن مەملەكەتتٸك ورگاندار بلانكٸمەن ەشتەڭە جٸبەرمەيدٸ, تەك ەسق پايدالانادى", - دەدٸ كاناليموۆ.
دەپۋتات شىعىندار جەرگٸلٸكتٸ بيۋدجەت ەسەبٸنەن تٶلەنەتٸنٸن ەسكەرتتٸ.
