Májilis depýtaty Aiqyn Qońyrov Ekibastuzdaǵy tótenshe jaǵdaidy apat dep aitýǵa bolmaitynyn aitty, - dep habarlaidy Tengrinews.kz.
QR premer-ministriniń atyna joldaǵan depýtattyq saýalynda májilismen osy jyldyń naýryzynda energetikalyq qaýipsizdik máseleleri jónindegi memlekettik komissiiany qurý týraly usynysqa Úkimet mundai sharanyń orynsyz ekendigi týraly jaýap bergenin, óitkeni Ekibastuz GRES-1 jáne Ekibastuz GRES-2 jańǵyrtý jumystary josparly tártippen júrgizilip jatqanyn aitqan.
"Biraq biyl atqarylyp jatqan jumystyń shynaiy baǵasyn kórdik. Ekibastuzda bolǵan oqiǵany oqys oqiǵa dep ataýǵa bolmaidy. Bul - búkil júieniń sátsizdigi. Al qazir, ókinishke orai, jaǵdaidy túzete alatyn adekvatty sharalardy kórmei otyrmyz", - dedi Aiqyn Qońyrov.
Onyń aitýynsha, bul máselede jaýaptylardy tabý múmkin emes, óitkeni energetikaǵa birneshe memlekettik organdar jaýapty. Al jeke menshik ieleri barlyq jaýapkershilikti tómen tarifterge, iaǵni, shyn máninde, osy apatty jaǵdaida zardap shekken tutynýshylarǵa aýdarýǵa tyrysady.
"Tómen tarifter - bul bos sóz. Qazaqstandyqtar elektr jáne jylýmen jabdyqtaý qyzmetterin tutynylatyn taýarlardyń sany men sapasyna, sondai-aq óz kiristerine sáikes tóledi. Sondyqtan barlyq sebepterdi tariftik saiasatpen bailanystyrýǵa bolmaidy dep sanaimyz. Úkimet josparlaǵan Energetika obektilerine tehnikalyq aýdit júrgizý, árine, qajetti shara bolyp tabylady, biraq budan eshteńe ózgermeidi, obektilerdiń qaiǵyly jaǵdaiy burynnan belgili", - dedi óz sózinde depýtat.
Qońyrovtyń aitýynsha, búginde energetikadaǵy basty problema resýrstardyń emes, memlekettik tásilderdiń tapshylyǵymen bailanysty.
Depýtat menshik ieleriniń aýysýy endi eshteńeni shepeitinine senimdi. Energetikalyq qaýipsizdik daǵdarysyn, atap aitqanda, jylýmen jabdyqtaý deregin moiyndaý qajet dep sanaidy.
"Energetikalyq qaýipsizdik birinshi orynǵa qoiylýy kerek. Sondyqtan biz eldiń energetikalyq qaýipsizdigine jaýapty Úkimet qurylymynda tiisti turaqty jumys isteitin memlekettik komissiia men jumys organyn qalyptastyrýdy talap etemiz", - dedi Qońyrov.
