Foto:elements.envato.com
Densaýlyq saqtaý ministri Ajar Ǵiniiat koronavirýstyń jańa shtamy paida bolýy múmkin ekenin, biraq ol maýsymdyq aýrý bolyp qalýy múmkin ekenin aitty, - dep habarlaidy Tengrinews.kz.
"Aýrý azaidy, epidemiologiialyq jaǵdai jaqsy. Biz PTR-synamalarǵa ǵana nazar aýdarmaimyz. Búginde el boiynsha 10-15 jaǵdai tirkelgen. Biraq kún saiyn jedel járdem, emhanalar, aýrýhanalar, juqpaly aýrýlar aýrýhanalarynda koronavirýsqa uqsas shaǵymdar bar-joǵyn baqylap otyramyz. Qazir kovid aýrýhanalarynda 200-den astam naýqas emdelip jatyr. Reanimatsiiada - 20 adam. Búginde bári qalypty, aýrý azaidy", - dedi Ǵiniiat Úkimet otyrysynan keiin.
Onyń aitýynsha, álemde jaǵdai áli de turaqsyz, sondyqtan ol azamattarǵa COVID-19-ǵa qarsy vaktsinany ýaqytyly alýǵa keńes beredi.
"Qytaida "omikronmen" bailanysty koronavirýs infektsiiasynyń kóbeiýi baiqalady. Keibir Eýropa elderinde ósý bar. Biraq jalpy alǵanda, eger DDSU derekterine súiensek, sońǵy aptada jalpy kórsetkish tómendep keledi. Bálkim, jańa shtamm paida bolady nemese maýsymdyq virýstyq aýrý siiaqty jeńil túrge aýysady deidi", - dedi ministr.
