QR Densaýlyq saqtaý vitse-ministri Ajar Ǵiniiat Shymkenttegi meditsinalyq mekemelerdi aralady, dep habarlaidy "Ult aqparat" DSM baspasóz qyzmetine silteme jasap.
Vitse-ministr qala ákimi Murat Áitenovpen birge indetke qarsy kúrestiń nátijelerin talqylap sitýatsiialyq shtabtyń jumysymen tanysty. Halyqqa kórsetilip jatqan meditsinalyq kómek jóninde jáne maman tapshylyǵyn joiýdaǵy bastamalar týraly surastyrdy.
Sonymen qatar, ministrdiń orynbasary Densaýlyq salasyndaǵy ahýal jóninde onlain-jinalys ótkizip qatardaǵy qarapaiym qyzmetkerlerdiń pikirin bildi.
Ajar Ǵiniiattyń aitýynsha, Shymkentte 5 aptanyń ishinde aýrýhanalardaǵy emdelýge arnalǵan jatyn oryndardyń júktemesi 60 paiyzǵa deiin tómendegen. Onyń ishindegi jansaqtaý bólimindegi oryndar 66 paiyzǵa azaiǵan. Pandemiiaǵa jáne engizilgen qatań karantindik sharalarǵa bailansty dárigerler naýqastardyń úiine baryp qyzmet jasady.
Respýblika boiynsha mobildi brigadalardyń sany 7,6 esege kóbeiip qazirgi ýaqytta jalpy sany 3640-ty qurady. Shyment qalasynda 211 brigada jumys istep tur. Mobildi brigadalar 5 myńnan astam halyqty qamtydy. Shymkent qalasy 5,0 kórsetkishti qurady.
«Emhanalardyń, jedel-járdemniń janynan halyqqa keńes beretin 4040 Call-ortalyqtar quryldy. Shymkentte osyndai 12 ortalyq iske qosyldy. Meditsinalyq jedel-járdemniń túngi aýysymy 2000 brigadaǵa deiin ósti. Degenmen, qazir jedel-járdemge habarlasý kórsetkishi 62 paiyzǵa deiin azaidy. Qala boiynsha bul kórsetkish 37 paiyzdy quraidy.
Osydan soń ministrdiń orynbasary indet órship aýrýlar sany kúrt kóbeigen kezde jedel salynǵan modýldi infektsiialyq statsionar sanalatyn «Qalalyq juqpaly aýrýlar aýrýhanasyn» aralap shyqty. 200 orynǵa shaqtalǵan mekemeniń jumysymen jan-jaqty tanysty.
Qalalyq Densaýlyq saqtaý basqarmasynyń málimetinshe, COVID-19 qarsy kúresti kúsheitý maqsatynda 26 provizorlyq ortalyq jumys istegen. Qazirgi tańda sonyń 19 paiyzy qaldy. Iaǵni, ýaqytsha emdeý oryndarynyń júktemesi 81 paiyzǵa azaiǵan.
Tamyz aiynan bastap meditsinalyq mekemeler qalypty jumys rejimine kóshti. Atap aitqanda, naýqastar josparly em qabyldai alady.
