Qoǵamdyq densaýlyq saqtaý ulttyq ortalyǵynyń referens-zerthanasy koronavirýsqa qatysty 10 myń test ótkizdi, dep habarlaidy "Ult aqparat".
Virýs infektsiialaryn baqylaý referens-zerthanasy búgingi kúnge deiin COVID-19-ǵa shamamen 10 000 zertteý júrgizdi. Zerthananyń táýliktik qýaty - 300 úlgi. Zerthana ótkizý qabiletin táýligine 3000 úlgige deiin ulǵaitýdy josparlap otyr.
Referens-zerthananyń negizgi mindeti - referenstik, arbitrajdyq, verifikatsiialyq zertteý júrgizý jáne úlgilerdi qaita testileýden ótkizý.
Zerthanada COVID-19 zerthanalyq diagnostikalaý úshin verifikatsiialanǵan test-júieler, nátijeni rastaý úshin - DDSU validatsiialanǵan jiyntyqtar paidalanylady.
Sonymen qatar referens-zerthana tumaý boiynsha ulttyq ortalyq sanalady jáne DDSU-men, sondai-aq TMD elderindegi Tumaý ulttyq ortalyqtarymen yntymaqtastyqty damytý jumystaryn belsendi atqarady.
Budan basqa zerthana mamandary respýblikadaǵy COVID-19-ǵa test júrgizetin zerthanalarǵa uiymdastyrýshylyq-ádistemelik jáne praktikalyq kómek kórsetedi, sondai-aq ártúrli infektsiialar boiynsha sapany syrttai baǵalaýdyń ulttyq baǵdarlamasyn júzege asyrady.
