Foto: Freepik
Jańa oqý jyly bastalǵan saiyn balalardyń densaýlyǵyna qaýip tóndiretin mańyzdy máseleniń biri – mektep sómkesiniń salmaǵy. Qazaqstan Respýblikasynyń Densaýlyq saqtaý ministrligi ata-analardy balasyna sómke tańdaýda muqiiat bolýǵa shaqyrdy, dep habarlaidy Ult.kz.
Ministrlik bekitken normalarǵa sáikes, oqýshy sómkesiniń salmaǵy mynadai bolýy tiis:
-
1–3 synyp – 2 kg-ǵa deiin;
-
4–5 synyp – 2,5 kg-ǵa deiin;
-
6–7 synyp – 3,5 kg-ǵa deiin;
-
8–11 synyp – 4,5 kg-ǵa deiin.
Jalpy, sómke salmaǵy balanyń dene salmaǵynyń 10%-nan aspaýy kerek.
Sondai-aq, mamandar qaýipsiz sómke tańdaýdyń negizgi sharttaryn atap ótti:
-
keń ári jumsaq beldik;
-
ortopediialyq arqalyq;
-
jeńil, sý ótkizbeitin material;
-
jaryq shaǵylystyrǵysh elementterdiń bolýy.
Dárigerler ata-analarǵa sómkeni kúndelikti tekserip, artyq zattardy alyp tastaýǵa keńes beredi. Balany sómkeni eki iyqqa taǵyp júrýge úiretý mańyzdy. Eger sómke shamadan tys aýyr bolsa, muǵalimmen sóilesip, kei kitaptardy mektepte qaldyrýǵa múmkindik qarastyrǵan jón.
«Balanyń durys tańdalǵan sómkesi – onyń densaýlyǵy men qaýipsizdiginiń kepili», – dep atap ótti ministrlik.
